NAKATAKDANG mamahagi ng gift pack sa mga mahihirap na nawalan ng trabaho sa Rodriguez, Rizal sa Huwebes ng umaga, Aug. 12, 2021.
Pangungunahan ni Rodriguez, Rizal Mayor Tomtom Hernandez, katuwang ang kanyang kapatid na si Chairwoman Mayette Hernandez at ang Common Transport Service Cooperative (CTSC) President Dhelta Bernardo, ang pamamahagi ng gift pack.
Ayon sa magkapatid na Hernandez, nasa ilalim ng MECQ ang lalawigan ng Rodriguez, Rizal, at upang masunod ang health protocol at social distancing na pinaiiral ng pamahalaan, mamahagi sila ng stab sa bawat isang pamilya na piling mahihirap na nawalan ng trabaho ngayon MECQ sa lalawigan.
Ayon kay Mayor Tomtom, ang CTSC ang nag-sponsor ng mga nasabing gift pack at magiging katuwang din nila ito sa pamamahagi sa mga nawalan ng trabaho kabilang ang mga pampublikong driver, contruction workers, tricycle driver at iba pa.
Samantala, humingi ng paumanhin sa magkapatid na Hernandez ang Presidente CTSC, sa hindi nila pagkakaunawan noong nakaraan mga araw sa mga maling mga akusasyon laban sa magkapatid.
Ayon kay Dhelta Bernardo, may mga bagay na dapat kalimutan na mga alitan, at magsimula muli sa pagbabago at magkaisa sa pagtutulungan sa pamamagitan ng gift giving pack, at nagpapasalamat din ito sa magkapatid na Hernandez, at napaunlak na makasama ang CTSC sa pamamahagi ng gift pack na kanilang ibinigay na tulong sa mga nawalan ng hanapbuhay sa panahon ng pandemya, ganun din ang magkapatid na Hernandez lubos ang pasasalamat sa CTSC sa kanilang ibinigay na ayuda.
Samantala, suportado ng CTSC ang mga programa ng lokal na pamahalaan ng lalawigan ng Rizal, na siyang natatanging transport group na bumibiyahe sa naturang lalawigan.
Umaasa ang CTSC, na magpapatuloy ang magandang samahan nila ni Mayor Tomtom at Chairw. Mayette, para makatulong sa nangangailangan na residente ng Rodriguez, Rizal.
The post Gift pack, ipamamahagi ng mag-utol na Hernandez at CTSC sa Rodriguez, Rizal appeared first on Police Files! Tonite.
Source: Police Files Tonite
Walang komento: