ARESTADO ang isang ginang habang nakatakas ang asawa nito sa isinagawang Anti-illegal Drug operation ng mga operatiba ng PNP Drug Enforcement Group (DEG) Special Operations Unit (SOU) ng Region 4-A sa Bacoor City, Cavite.
Sa ulat na isinumite ni PLt. Col. Julian ‘Jules’ Olonan, hepe ng PNP DEG SOU 4-A mula kay PB General Remus B. Medina, Director PNP-DEG, nakilala ang suspek na si Analyn dela Cruz, 36, may-asawa, jobless, nakatira sa 415 Miape Longos, Zapote 5 , Bacoor City, Cavite.
Pinaghahanap naman ng mga otoridad ang asawa ng suspek na nagngangalang ‘Ricky Lase ‘ na kilalang notoryus na ‘drug pusher’ sa nasabing lugar.
Ayon kay Pat. Wryan B. Sardea, naganap ang pagsalakay ala-1:00 ng hapon nang makatanggap ng intelligence report si Major Dhefry Punzalan hinggil sa illegal drug activities sa nasabing lugar.
Nakumpiska ng mga operatiba ng DEG/ SOU-4A mula sa pag-iingat ng suspek ang 105 gramo na shabu na nagkakahalaga ng P 714,000.00 ( standard drug price) cash money, cellphone, gadgets at marked money na ginamit sa operasyon.
Nahaharap si dela Cruz sa kasong paglabag sa Comprehensive Dangerous Drugs Act of 2002 at dinala ito sa Bacoor City Custodial facility para sa kaukulang dokumentasyon.
Ayon sa nakalap na impormasyon, kabilang ang barangay Miape Longos na ‘drug haven’ sa lungsod ng Bacoor at pinamumugaran na rin ng bukas-kotse gang at iba pang iligal na gawain.(Jojo Sadiwa)
The post Ginang huli sa drug den sa Bacoor city appeared first on Police Files! Tonite.
Source: Police Files Tonite
Walang komento: