PATAY ang isang NPA surenderee nang barilin ng mga dating kasamahan sa bayan ng T’boli, South Cotabato.
Inihayag ni Police Major Irish Parangan, hepe ng T’boli municipal police, na nangyari ang insidente sa Barangay Datal Dlanag. Kinilala ang biktima na si Adam Daw.
Batay sa imbestigasyon, nagpapahinga ang biktima sa kaniyang pamamahay nang pinasok ito ng nagpakilalang Ka George, miyembro ng Front 73, Sparrow Unit at ilang kasamahan na armado ng matataas na kalibre ng armas.
Kumaripas ng takbo palabas si Daw upang makatakas, ngunit naharangan na siya ng mga kasamahan ni Ka George at kaagad binaril.
Nag-iwan rin umano ng isang liham si Ka George na nagsabing ginawa nila ang pagdispatsa kay Daw dahil sa umalis ito sa grupo kasama ang kaniyang anak at sumuko sa pamahalaan.
Ayon kay Parangan, matagal nang may banta sa buhay si Daw bago pa nangyari ang pamamaril.
The post NPA surenderee pinatay ng kasamahan appeared first on Police Files! Tonite.
Source: Police Files Tonite
Walang komento: