Paolo idinenay na nagpasasa kasama si Yen sa Baguio

Ni ARCHIE LIAO

MATAPOS basagin ni Paolo Contis ang kanyang katahimikan sa kontrobersya sa kanila ni LJ Reyes at ng itinuturong third party na si Yen Santos, ayaw pa ring tantanan ng bashers at mga paparazzi ang aktor.

Katunayan,  ginawan pa nga ng kung anu-anong memes ang kanyang pamosong linyang “as a friend ” na kesyo sinamahan lang siya ng aktres sa Baguio para damayan sa kanyang problema.

Sa vlog naman ng talent manager turned vlogger na si Ogie Diaz, napag-usapan ang tsikang higit sa tatlong araw silang nagpasasa  ni Yen sa City of Pines.

Para maging parehas,  kinuha raw ni Mama Oggs ang panig ng Kapuso actor at ng kanyang kumpare.

Ito raw naman ang paliwanag sa kanya ni Paolo sa text message na ipinadala sa kanya ng aktor.

“Sabi niya, ‘Naloloka na rin ako, mare. Ang sabi nila 5 days daw kami sa Baguio ni Yen. May nasulat naman, 10 days daw kami. Pakisabi gawin na nilang 30 days para happy sila.’

“Tapos syempre sumeryoso si Paolo, sabi niya, ‘Pano mangyayari yun? August 28, nagpabakuna ako sa Caloocan. August 30, nag-taping ako ng Bubble Gang. September 3, taping ako ng Dear Uge. So ano yun?”

Naloka rin daw ang actor dahil sa daming nakapagpa-selfie sa kanya noong magpabakuna siya ay walang netizen na mag-post o makapagpatunay nito.

“Inaaraw araw ko ang akyat panaog sa Baguio? Ano ‘to road trip every other day?’ So yun ang sinabi ni Paolo. ‘Tsaka ang nakakaloka pa rito, ang daming paparazzi at ang daming curious sa everyday schedule of events ko,'” pagbasa ni Ogie .

“Nagtataka lang ako dahil ang daming nagpa-picture sakin nung August 28 na nagpabakuna ako sa Caloocan. Ba’t walang nag-post? Now is the best time na i-post niyo yun. “Napagbibintangan akong lima o sampung araw ako sa Baguio. Sayang walang CCTV nung nagpabakuna ako. Ikaw na bahala, mare, as a friend,'”dugtong niya.

As of this writing, dahil hindi pa rin nagsasalita sa isyu si Yen ay hindi pa rin mamatay-matay ang isyu sa kanila ni Paolo.

The post Paolo idinenay na nagpasasa kasama si Yen sa Baguio appeared first on Police Files! Tonite.

Source: Police Files Tonite