ARESTADO ang isang pulis at dalawang iba pa sa isinagawang buy bust operation ng mga tauhan ng Drugs Enforcement Unit sa Brgy. Calayaan sa bayan ng Gerona sa lalawigan ng Tarlac.
Base sa inisyal na report ni P/Cpl.Kim dela Cruz, kinilala ang nadakip na suspek na si P/Cpl.Geymar Orquero, 37 anyos, nakatalaga sa Tarlac City Police Station.
Sa ulat, 11:30 ng gabi ng masukol ang suspek kasama sina Marvin Gadia, 43, ng Brgy, Calayaan; at Joel Imagat, 52 anyos, ng Brgy, Sto.Domingo Tarlac City.
Nakuha sa pulis ang isang plastic sachet ng shabu, at marked money na isang libong piso at isang Glock 17 na baril na may serial no.65384, habang tig-apat na plastic sachet ng shabu ang dalawang kilalang tulak ng ipinagbabawal na droga sa lugar.
Samantala detenido ngayon ang mga suspek sa Gerona Municipal Jail sa kasong paglabag sa RA9165.(Thony D. Arcenal)
The post PULIS, AT 2 PA HULI SA BUY BUST appeared first on Police Files! Tonite.
Source: Police Files Tonite
Walang komento: