TINIYAK ni PNP Chief, General Guillermo Eleazar, na masisibak sa serbisyo ang naarestong pulis sa isang buy-bust operation sa Gerona, Tarlac na sinasabing user at protektor ng operasyon ng iligal na droga.
Ipinag-utos din ni Eleazar ang pagkakasa ng malalimang imbestigasyon upang malaman kung may iba pang kasabwat si Corporal Geymar Oroquero sa lokal na pulisya sa pagpoprotekta at pagpopondo sa operasyon ng iligal na droga sa Gerona at mga karatig lugar.
“Inatasan ko na ang RD, PRO3 na madaliin ang imbestigasyon para maumpisahan na agad ang pagsibak sa serbisyo ni Corporal Oroquero na nahuli sa isang anti-illegal drugs operations sa Gerona, Tarlac,” sabi ni Eleazar.
Siniguro naman ni Police Regional Office 3 Director, Gen. Val De Leon, kay Eleazar na kaniyang dinis-armahan ang nasabing police scalawag at kasalukuyang nakakulong.
Bukod sa administrative case, sasampahan din ng kasong kriminal si Orquero.
Naaresto sina Oroquero at mga kasabwat niya na sina Marvin Gadia at Joel Umagat sa buy-bust operation sa Barangay Calayaan noong Setyembre 10. Nakuha sa kanila ang ilang shabu, drug paraphernalias at Glock 17 na may magazine at mga bala.
Si Oroquero ay nakatalaga sa Tarlac City Police Station, sinasabing gumagamit ng parokyano, protektor at financier ng isang July at isang Melvin Gadia na tulak ng iligal na droga at nag-o-operate sa Gerona at Tarlac City.
Pinapurihan ni Eleazar ang Central Luzon Police sa kanilang agarang pag-aksiyon dito. (Mark Obleada)
The post Pulis na adik/protektor ng droga pinasisibak appeared first on Police Files! Tonite.
Source: Police Files Tonite
Walang komento: