NILAMPASO ng tambalan nina Jude Garcia at Krung Arbasto ng Creamline sina Rancel Varga at Efraim Dimaculangan ng PLDT,26-24,21-17, upang manateling undefeated sa men’s Pool B ng BVR on Tour first leg Sabado.
Kahit naantala ng 20-minuto dahil sa malakas na daluyong na humampas sa sand court ay hindi napigilan sina Garcia at Arbasto na dugtungan ang kanilang unbeaten run sa ika- apat na laban.
Bago ang bakbakan sa hapon, ay unang winalis nina Garcia at Arbasto ang Army – FSD makati 1’s Randy Fallorina at Jason Uy, 21-19,21-14, Habang sina Vergara at Dimaculangan ay dinispatsa ang Negros Occidental’s Beach Volleyball Club Deanne De Pedro at Eljay Ronquillo, 21-17,21-11.
Nalaglag ang PLDT sa second place sa Pool B na may 3-1 slate.
Giniba nina Ranran Abdilla at Jaron Requinton ang pares nina Pemie Bagalay at Jeffer Guerero sa all-Creamline duel, 21-16,21-17, sa ikalawang sunod-sunod na tagumpay sa Pool A.
Sinibak naman ng Negros Occidental BVC ang tambalan nina James Pecana at AJ Pareja, 21-16,13-21,15-10,para tumabla sa 2-2 sa Pool B.
The post Garcia-Arbasto tandem nangunguna sa BVR on Tour men’s play appeared first on Police Files! Tonite.
Source: Police Files Tonite
Walang komento: