Kulong ang 24-anyos na binatang manyakis sa isinagawang entrapment operation nang ireklamo ng girlfriend nang magbanta itong ikakalat ang sex video nilang dalawa kapag tumangging makipagtalik sa Brgy. San Sebastian, Hagonoy, Bulacan nitong Sabado ng gabi.
Base sa report kay P/Col. Manuel Lukban Jr., acting provincial director ng Bulacan PNP, kinilala ang inaresto na si Aldrin Pingon, binata at naninirahan sa Brgy. Canalate, Malolos City.
Sa report, naaresto si Pingon gabi ng Oktubre 30, 2021 sa tahanan ng kanyang kasintahan na itinago sa pangalang Maria, 26 anyos, dalaga at residente ng Brgy. San Sebastian, Hagonoy, Bulacan.
Nabatid kay P/Lt. Col. Gil Domingo, Chief of Police ng Hagonoy Municipal Police na humingi ng tulong sa kanilang tanggapan ang biktimang 25-anyos upang ireklamo ang boyfriend na si Pingon na nagbantang ikakalat sa Facebook ang kanilang sex video at malalaswang larawan ng dalaga kapag tumanggi sa gusto nitong makipagkita para mag-sex.
Dito na nagkasa ng entrapment operation ang Hagonoy Police kung saan pinapunta ng dalaga ang nagbabantang suspek sa kanilang bahay sa Brgy. San Sebastian para ‘pumayag’ sa kagustuhan nito at pagdating sa lugar ay hindi na nakapalag ang lalaki nang arestuhin ng awtoridad.
Nabatid na dati nang nakulong sa Malolos City Police ang suspek sa kahalintulad na kasong pang-aabuso sa kababaihan.
Kasalukuyang nakadetine si Pingon sa Hagonoy Municipal Jail na nahaharap sa Batas Pambansa 9262: Batas laban sa karahasan sa kababaihan at sa kanilang mga anak o Anti-VAWC.
The post Dyowa hayok sa sex pinakulong ng gf appeared first on Police Files! Tonite.
Source: Police Files Tonite
Walang komento: