3 hanggang 5 drug lords target patayin ni Duterte bago bumaba sa pwesto

TARGET na patayin ni Pangulong Rodrigo Duterte ang nasa tatlo hanggang limang drug lords bago tuluyang bumaba sa puwesto sa June 30, 2022.

Sa “Talk to the People,” sinabi ng Pangulo na ayaw niyang buhayin pa ang drug lords.

“Siguro bago ako mag-alis makatapos lang tayo ng mga tatlo o limang drug lords. Gusto ko patayin. Ayoko ng buhay,” pahayag ng Pangulo.

Humihirit si Pangulong Duterte sa susunod na administrasyon na ipagpatuloy ang kanyang anti-drug war campaign.

Hinikayat pa ng Pangulo ang mga kapwa-manggagawa sa gobyerno na labanan ang ilegal na droga sa bansa.

Walang balak si Pangulong Duterte na humingi ng pasensya sa mga namatay sa kampanya sa ilegal na droga.

Isang giyera kasi aniya ang anti-drug war campaign.

Batay sa talaan ng gobyerno, nasa 6,235 katao ang napatay sa anti-drug war campaign.

The post 3 hanggang 5 drug lords target patayin ni Duterte bago bumaba sa pwesto appeared first on Police Files! Tonite.

Source: Police Files Tonite