Ni WALLY PERALTA
NAGSIMULANG magkaroon ng komparison ang dalawang Kapuso comediene na sina Pokwang at Ai Ai delas Alas noong kasagsagan ng eleksyon. Magkaibang kampo kasi ang sinuportahan nina Pokwang na isang ‘Kakampink’ samantalang si AiAi naman ay nasa Unity team.
May isang sikat na ‘Kakampink’ kasi ang nagkomento na di hamak na mas matalino at mas magaling na komedyana raw si Pokwang kaysa Ai Ai.
Nanahimik na lang ang kampo ni Pokwang at di na pinatulan ang pagkukumpara sa kanila ni AiAi. Kahit anong pilit ay di na lang nagbigay ng komento si Pokwang. Makalipas ang ilang buwan pagkatapos ng eleksyon ay pilit na pinasasagot si Pokwang sa komentong mas magaling umano siyang komedyana kaysa kay Ai Ai.
Sa video’ng “Sarap, ‘Di Ba?: Real talk with Pokwang” na in-upload sa YouTube Channel ng GMA-7 nitong weekend ay tinuldukan na ni Pokwang ang isyu sa kanila ni AiAi.
“Naku kayo mga Marites, mga chikadora kayo ha. Iniintriga niyo kami ni Ms. Ai Ai.
Magiging Ai Ai ba siya kung hindi siya magaling? Magiging Pokwang ba ako kung wala rin akong alam, ’di ba? ‘Di ba po? Ganu’n ’yorn?”, tugon ni Pokwang.
“Magaling si Ms. Ai Ai kaya nga siya Comedy Queen, ’di ba? Alam niyo na ’yan.
Meron kaming kanya-kanyang katangian na nagugustuhan ng aming mga followers, na ikinatutuwa naman namin. Ganu’n ’yorn,” dagdag pang say ni Pokwang.
Sa ngayon ay may kanya-kanyang shows sa Kapuso Network sina AiAi at Pokwang. Katatapos lamang at super big hit ang serye nina Ai Ai at Starstruck ultimate female winner na si Shayne Sava, ang “Raising Maymay” samantalang hit din sa masa ang bagong game show na hosts si Pokwang kasama sina Kuya Kim Atienza at Rabiya Mateo, ang ‘TiktokClock”.
***
GUMAWA ng malaking impact ang tambalan nina Kelvin Miranda at Mikee Quintos noong first time silang pinareha sa isa’t isa via the series na “The Lost Recipe”.
Hindi ini-expect ng dalawa na magiging hit ang kanilang loveteam dahil na rin sa mainit na pagtanggap ng televiewers sa kanilang dalawa at marami rin kinilig.
Ngayon na may karelasyon na si Mikee sa katauhan ng isa pa ring Kapuso young actor na si Paul Salas, may chance pa kayang muling magtambal as loveteam sina Mikee at Kelvin? Okey lang kaya ito kay Kelvin?
“Para sa akin, once na dumating ang opportunity, gina-grab ko lang siya at ibinibigay ang buong puso ko,” say ni Kelvin.
And speaking of opportunity, may bago na naman ka-loveteam na bubuuin ang GMA7, sina Kelvin at Kate Valdez, na first time magsasama sa seryeng “Unika Hija”.
Tulad ng unang pagsasama nila ni Mikee, excited din si Kelvin sa kalalabasan ng serye nila ni Kate.
“Kung kinakailangan po naming paghandaan ni Kate nang husto, gagawin po namin ang lahat para hindi masayang ang tiwala sa amin ng GMA,” say pa ni Kelvin.
Biro pa nga ni Kelvin, hindi raw niya akalain na ang dalawang ‘anak ng Sanggres’ ng Encantadia serye na sina Mikee at Kate ay pareho niyang magiging leading lady.
“Yes, nasa akin na ang mga diyamante nila,” pabirong saad ni Kelvin.
Bukod sa ‘Unika Hija’ ay regular din mapapanood si Kelvin sa GTV comedy show na ‘Tols’ kasama sina Rufa Mae Quinto, Shaun Salvador at Abdul Raman.
The post Kelvin babu Mikee, hello Kate na; Pokwang tinuldukan ang komparasyon kay Ai Ai appeared first on Police Files! Tonite.
Source: Police Files Tonite
Walang komento: