Ni GERRY OCAMPO
KAHIT walang kumpirmasyon pa kay Nora Aunor ay sinasabi ng ilang grupo ng Noranians na may plano na raw ang Superstar at National Artist for Film na magretiro na sa showbiz.Gusto na raw ni Ate Guy na mamalagi na lang sa kanyang bayan sa Iriga, Camarines Sur at magpahinga na rin sa paggawa ng pelikula.May farm si Ate Guy sa nasabing bayan na kung hindi kami nagkakamali ay 64 hectares ang lawak. Yun na lang daw ang bibigyang pansin at aasikasuhin nitoLately kasi ay nagkakasakit na ang Superstar at mas maganda raw na mamalagi muna sa kanyang farm para sa sariwang hangin, walang stress at problemang iisipin.
Masayang-masaya siya nang magdiwang ng kaarawan last May, kasama ang kanyang mga anak na sina Ian, Matet, Kenneth at Kiko na nagkaroon sila ng todong bonding.Ang magandang birthday gift pa sa Superstar ay nang dalawin at bantayan siya ni Lotlot habang nasa ospital. Kaya masayang-masaya si Ate Guy dahil nakumpleto na rin ang kanyang pamilya.Nakamit na rin niya ang matagal nang minimithing National Artist for Film award na ipinagkaloob sa kanya bago matapos ang term ni Pangulong Rodrigo Roa Duterte bilang Pangulo ng bansa.Wala nang mahihiling pa ang Superstar. Sa limang dekada niya sa showbiz ay nakagawa at naakambag na siya ng makabuluhang pelikula sa movie industry.
Ngayon ay kailangan daw bigyang pansin at prioridad ng Superstar ang kanyang sarili. Ang pakiusap lang ng mga loyal Noranians ay wag itong tuluyang magretiro sa showbiz.
Puwede siyang gumawa ng pelikula kahit isa o dalawa sa isang taon.Sa kasalukuyan ay may pelikula si Ate Guy na hindi pa nailalabas, ang Kontrabida.
***
Maggie ‘di aalis sa bahay nila ni Victor kahit pinutulan ng kuryente Nag-post ang former beauty queen na si Maggie Wilson sa kanyang Instagram Story ng, “Just finished a 3-hour meeting with my lawyers. I am ready to fight.”Galing sa Divina Law ang mga abogado nii Maggie na bukod sa magagaling ay mahal ang bayad.Pagdating sa mga lawyer ay siguradong hindi rin patatalo ang mga abogado ni Victor Consunji dahil magagaling at expensive rin ang kukunin nito sa isinampang kasong adultery laban kay Maggie at sa itinuturong third party sa hiwalayan nila na si Tim Connor.For now, siguradong panalo sa court battle ng estranged couple ang kani-kanilang abogado, di ba?
Anyway, kinukumpara ang court battle nina Maggie at Victor sa naging court battle nina Johnny Depp at Amber Heard.Sa latest post ng former beauty queen ay short hair na ito, na ayon sa mga supporter nito ay ready to fight na talaga.Limitado na ang puwedeng mag-comment sa IG ni Maggie, pareho na sila ni Victor na hindi na open ang comment box sa lahat.Samantalang kahit walang latest post si Tim Connor ay sinugod pa rin ang IG nito. May namba-bash at nag-comment na bilhan na lang nito ng bahay si Maggie.
Pero kahit na siguro bilhan ng bahay ni Tim ang former beauty queen ay nagpahayag na ito na hindi aalis sa conjugal property nila ni Victor kahit pinutulan pa sila ng kuryente.Nagpasalamat si Maggie sa nag-provide sa kanila ng generator at sa kanilang neighbors na nag-share ng electricity.
The post Nora magreretiro na sa showbiz appeared first on Police Files! Tonite.
Source: Police Files Tonite
Walang komento: