SINAKSAK ang 65-anyos na ginang nang pagnakawan ng isang katorse anyos na babae sa loob ng kanyang pamamahay sa Poblacion Ward 4, Minglanilla, Cebu, Huwebes ng tanghali.
Ang salarin na sadyang hindi pinangalanan dahil menor de edad at Grade 8 pupil sa pribadong paaralan sa nasabing lungsod ay residente ng Naga City, habang ang biktima ay kinilalang si Lorita Estal, 65.
Sa ulat mula sa Minglanilla Police, biglang pumasok ang dalagita sa bahay ni Estal at nagdeklara ng hold-up gamit ang 14-inches kitchen knife ngunit nagmatigas ang matanda na ibigay ang kanyang bag at nanlaban.
Dahil dito sinaksak ng dalagita ang matanda ng ilang beses, na agad namang humingi ng saklolo kaya’t tumakas ang salarin.
Agad tinulungan ng kanyang kapitbahay ang biktima na nagtamo ng pitong saksak sa katawan at ginagamot sa isang pribadong ospital sa Talisay City.
Naaresto naman ang salarin makalipas ang 4 ka oras na hot pursuit operation. Narekober ang P10,500 cash ng biktima.
Itu-turn over sa Department of Social Welfare and Development (DSWD) ang dalagitang holdaper.
The post 65-anyos ginang ninakawan, sinaksak ng 14-anyos na dalagita appeared first on Police Files! Tonite.
Source: Police Files Tonite
Walang komento: