Ikinasa ang manhunt operation laban sa school janitor nang gahasain ang 14 anyos na estudyante sa loob ng paaralan sa lalawigan ng Quezon.
Sa ulat, nakaabot ang panghahalay sa mga awtoridad nang dumulog sa himpilan ng pulisya ang lola ng biktima nitong Lunes at ireklamo ang suspek na nakilalang si Marvin Inojosa, 38, janitor ng Lucena City National High School sa Barangay Mayao extension, Lucena City, Quezon.
Ayon kay Lt. Col. Reynaldo Reyes, hepe ng Lucena City Police, inihain na rin ang kasong rape nitong Lunes sa Prosecutor’s Office ng lola kasama ang kanyang dalagitang apo laban kay Inojosa na patuloy pang pinaghahanap ng pulisya.
Sa imbestigasyon, lumalabas na naganap ang panggagahasa sa biktima sa loob ng comfort room o palikuran ng nasabing school 2:45 ng hapon noong Oktubre 12, 2022.
Nabatid na nagtungo sa CR ang biktima at nakita nito na naglilinis sa loob ng palikuran ang suspek. Pero nang palabas na siya ng CR matapos umihi bigla na lamang siyang sinunggaban ng suspek at mabilis nitong isinara at ni-lock ang pintuan saka siya ginahasa.
Hindi agad nakapagsumbong ang biktima dahil sa takot dahil pinagbantaan siya ng suspek.
The post Estudyante ni-rape ng janitor sa iskul appeared first on Police Files! Tonite.
Source: Police Files Tonite
Walang komento: