Ni ROMMEL GONZALES
TALAGA ngang itinadhana sina Ruru Madrid at Bianca Umali.
Kasi naman, noon pa sila unang nagkita, musmos pa lamang sila ay nag-krus na ang kanilang landas, ayon na rin mismo sa kuwento ni Ruru.
“The first time na nakita ko si Bianca nine years old pa lang siya, and then ako parang Grade 5 yata ako. Yung Tropang Potchi nagpunta sa school namin tapos nakita ko si Bianca, sabi ko ‘Ang ganda naman nito!’ Tapos gustong gusto kong maging artista kasi gusto ko siyang maka-partner.”
At rebelasyon pa ng guwapong Sparkle hunk, kaya niya ginawa ang lahat para maging artista sa GMA ay para makita at makilala na mabuti si Bianca, na siya namang nangyari.
“Iyon ang naging motivation ko noong mga panahon na iyon para maging artista ako,” pagbubulgar pa ni Ruru.
Hindi ba at sa kasalukuyan ay apat na taon na silang nagmamahalan, hindi ba?
Na kahit hindi sila deretsahang umamin, para sa mga tagahanga nila at nagmamahal sa kanila ay magdyowa na ang dalawa.
At lalo pang titindi ang kanilang pag-ibig dahil magsasama na sila sa isang teleserye sa GMA na sila ang mga bida at magkapareha, ang The Write One!
***
JERIC KINIKILIG SA TAMBALAN KAY BEA
KAHIT si Jeric Gonzales ay nagulat dahil may mga fandom at followers na ang tandem nila ni Bea Alonzo sa Start-Up PH!
Well, alam naman natin na sina Bea at Alden Richards ang magkapareha sa naturang GMA drama series na hango sa South Korean program na Start-Up.
Pero sa mga eksena at parte ng kuwento na ang involved ay sina Jeric at Bea, umaani sila ng papuri at kilig mula sa mga manonood!
Kaya naman nagpapasalamat si Jeric tungkol dito at kahit siya raw mismo ay kinilig noong nakarating sa kanya ang magandang balita!
“Nakakakilig naman yung balita na yan, na napapansin nila ang Team DaDa!
“I’m so happy kasi unexpected talaga ‘to.
“Nung pinanood ko yung Start-Up na original, yung Korean, ako personally, kinilig ako kay Nam Do-san (Nam Joo-hyuk) saka kay Seo Dal-mi (Bae Suzy).
“Pero ayun yung sinasabi nila, ng mga netizen, na kinikilig sila sa amin ni Dani, and parang overwhelming iyon kaya nagpapasalamat ako sa kanila.”
Ang DaDa ay hango sa mga pangalan ng karakter nina Jeric (Davidson) at Bea (Dani) sa Start-Up PH.
At siyempre bukod kina Jeric, Bea, at Alden (bilang Tristan) ay bida rin sa Start-Up PH si Yasmien Kurdi (na paborito ng maraming press people) bilang si Ina na napakahusay rin sa serye.
The post Ruru inamin, bata pa lang kilala na at kursunada si Bianca appeared first on Police Files! Tonite.
Source: Police Files Tonite
Walang komento: