Bigyan po natin ng espasyo mga Ka Usapang HAUZ ang naging pahayag ng isa sa beterano at mahusay na Mambabatas mula sa Mababang Kapulungan na masasabi nating hindi basta basta nagbibitiw ng magagandang salita kung hindi ito karapat dapat
Ito mga Ka Usapang HAUZ ang naging pahayag ni Basilan Representative Mujiv Hataman sa bagong talagang DND Secretary, Ikinagagalak natin pagkakahirang ni Peace Process Adviser Sec. Carlito “Charlie” Galvez Jr. bilang bagong Kalihim ng Department of National Defense, isang napakahalagang responsibilidad lalo na sa pagpapanatili ng kapayapaan sa ating bansa.
Naniniwala tayo na ang solido at matagal na karanasan ni Sec. Galvez sa usaping pangkapayapaan ay makakatulong ng malaki sa paggampan ng kanyang bagong tungkulin, mandato at responsibilidad. Ang pamamahala ng tanggulang pambansa na nakabatay sa mga adhikain ng kapayapaan at katarungan.
Matagal nating nakasama at naging matatag na kaagapay si Sec. Charlie sa ating mga pagsisikap at gawaing pangkapayapaan sa Bangsamoro region, lalo na noong tayo pa ay regional governor ng dating ARMM. Sa katunayan, instrumental si Sec. Charlie sa tinatamasa nating kapayapaan ngayon hindi lamang sa BARMM kundi pati na rin sa buong Mindanao.
Bilang isang mahusay na sundalo, nauunawaan ni Sec. Charlie na ang susi sa kapayapaan ay hindi sa lakas ng puwersa o karahasan: mahalaga ang pagtutulungan ng komunidad at lokal na pamahalaan pati na rin ang pagtugon sa ugat ng digmaan. Kaya bilang Kalihim ng Office of the Presidential Adviser on Peace, Reconciliation and Unity, naging epektibo ang mga programang ipinatupad ni Sec. Galvez dahil sa kanyang mahabang karanasan sa kapayapaan.
Siya ang ating katuwang nang sinimulan natin ang Program Against Violent Extremism o PAVE bilang brigade commander na siyang counterpart natin sa security sector. Suportado pa rin niya ang PAVE noong maitalagang commander ng Western Mindanao Command ng AFP. Nasa forefront din siya ng Marawi Siege noong 2017 at isa sa mga opisyal na nagpalaya sa lungsod mula sa mga terorista.
Kaya tayo ay lubos naniniwala sa kakayahan ni Sec. Charlie na mapanatili ang ating mga ganansiyang pangkapayapaan sa Mindanao at sa BARMM. At makakaasa si Sec. Charlie sa ating tulong kung sakaling kailanganin man niya ito.
Maging ang Usapang Hauz kasama ang mahusay na Congressman Mujiv Hataman ay sumasaludo at bumabati ng Congratulations, Sec. Galvez, at mabuhay ka!
***
Para sa inyong Puri at Puna maaaring mag email sa cesarbarquilla2014@yahoo.com or mag Txt o tumawag sa 09352916036
The post Basilan Rep. Hataman saludo sa kakayahan ng bagong kalihim ng DND! appeared first on Police Files! Tonite.
Source: Police Files Tonite
Walang komento: