IPINAARESTO ng kanyang titser ang isang 16-anyos na estudyante nang malamang may dala itong marijuana sa kanyang bag sa Libjo National High School sa Barangay Libjo, Batangas City.
Ang estudyante na itinago sa pangalang “John” ay residente ng Brgy. Pallocan East, Batangas City.
Ayon sa report ng Batangas City Police Station, dinala ito ng kanyang hindi na pinangalanang guro sa police station nang makuhanan ng marijuana noong Enero 18, 2023.
Batay sa salaysay ng guro na nagsilbing arresting officer, sinumbong si “John” ng kanyang dalawang classmates nang madiskubreng may tinatago itong marijuana habang nasa silid-aralan.
Agad nitong kinompronta ang naturang estudyante at pinabuksan ang kanyang bag. Nakita rito ang isang transparent plastic box na may nakasilid na tatlong transparent zip-lock sachet na may lamang marijuana.
Tinatayang umaabot ang timbang nito sa10 gramo.
Naiturn-over na sa Women and Children Protection Desk Section ang mga nakumpiskang ebidensya mula sa suspek. At ipinasa ito sa City Social Welfare and Development.
The post Estudyante pinaaresto ng titser sa dalang marijuana sa loob ng klase appeared first on Police Files! Tonite.
Source: Police Files Tonite
Walang komento: