MAGANDANG balita sa lahat ng mga naghahanap ng trabaho sa Maynila.
Inanunsyo ni Mayor Honey Lacuna na magsasagawa ng Mega Job Fair sa Biyernes, January 27, 2023, ang pamahalaang lungsod.
Ayon kay Lacuna, ang nasabing job fair ay magsisimula ng 9 a.m. hanggang 5 p.m. sa Arroceros Forest Park sa Ermita, Manila.
“Maraming salamat po sa ating PESO at DOLE sa pakikiisa sa ating hangarin na mabigyan ng oportunidad na makapaghanapbuhay ang bawat Manilenyo,” sabi ng lady mayor.
Tiniyak ni Lacuna sa lahat ng Manileño na ang lokal na pamahalaan ay ginagawa ang lahat upang makalikha ng trabaho, maging sa mga senior citizens ng lungsod.
Samantala, sinabi ni public employment service office (PESO) head Fernan Bermejo na ang listahan ng mga employers pati na ang mga bakanteng trabaho ay makikita sa pamamagitan ng pagre-register sa kanilang link ng mga interesadong aplikante. Ang link ay: https://ift.tt/P3SfMc1
Sinabi pa ni Bermejo na hindi na kailangan pang maghintay ng tawag mula sa lungsod. Kailangan lamang gawin ay ipakita ang screenshot ng confirmation page sa dulo ng Google form.
Pinapayuhan ang mga aplikante na magdala ng 10 kopya ng kanilang updated resume, black ballpen at magsuot ng semi-casual attire. (ANDI GARCIA)
The post Mega Job Fair sa Jan. 27 – Mayora Honey appeared first on Police Files! Tonite.
Source: Police Files Tonite
Walang komento: