Arestado ang isang ‘bigtime’ drug trafficker at nakuhanan ng P1.5 milyong halaga ng shabu sa isinagawang operasyon sa Cabuyao City, Laguna.
Sa bisa ng search warrant ng mga operatiba anti-narcotics, nadakip sa kanyang bahay sa Barangay Marinig ang suspek na kinilalang si Virgilio Amacan Jr., na nasa drug watch list.
Nakuha sa suspek ang 10 plastic sachets ng shabu at plastic container na naglalaman din ng shabu na may kabuuang timbang na 250 gramo at aabot sa tinatayang halaga na P1,500,000.
Nakuha rin sa suspek ang timbangan at mga shabu-sniffing paraphernalia.
Nagpapatuloy ngayon ang isinagawang pagsisiyasat ng pulisya para alamin ng kung saan kinukuha ng suspek ang kanyang shabu.
Nahaharap ngayon sa kasong paglabag sa Comprehensive Dangerous Drugs Act of 2002 ang suspek.
The post ‘Bigtime’ drug trafficker, tiklo appeared first on Police Files! Tonite.
Source: Police Files Tonite
Walang komento: