LASLAS ang leeg at walang buhay nang natagpuan ang 58-anyos na ginang sa loob ng kanyang bahay sa Bacoor City, Cavite
Kinilala ang biktima na si Felicitas Policarpio Soriano, may live-in partner, ng Beige St., Camella North Springville, Barangay Molino 3, Bacoor City.
Kasalukuyan namang pinaghahanap ang salarin na si Patrick John Manabat Gonzales, 21, stay in helper, residente ng Brgy. Agnaya, Plaridel, Bulacan, na tumakas matapos ang insidente.
Ayon sa report, 6:00 ng umaga ng Sabado, Pebrero 11, nang natagpuan ni Leonor Giducos (kaibigan ng biktima) na walang buhay sa loob ng kanyang kuwarto ang biktima.
Napag-alaman na bago ang pagpatay, nanghihiram ng pera si Gonzales sa biktima subali’t hindi ito pinagbigyan.
Batay sa imbestigasyon ng pulisya, nasa tatlong Linggo pa lamang naninilbihan bilang stay-in helper si Gonzales sa tindahan ng anak ng biktima.
Nabatid na matapos ang pagpatay, tumakas si Gonzales ng madaling araw base narin sa kuha ng Closed Circuit Television (CCTV).
Kasabay ng pagtakas nito, bitbit ni Gonzales ang kanyang mga gamit at tangay din ang wallet ng biktima.
Positibo rin ang pagkakakilanlan sa salarin dahil sa bakas ng dugo mula sa pinangyarihan ng insidente gayundin ang t-shirt nito na may bahid ng dugo at itinapon sa isang creek, may ilang metro ang layo mula sa pinangyarihan ng krimen.
Nabatid na kaarawan din ng biktima nang isagawa ang krimen ng pagpatay.
The post Ginang ginilitan sa araw ng b-day ng helper appeared first on Police Files! Tonite.
Source: Police Files Tonite
Walang komento: