MAYOR TEVES HUMILING SA PNP NG KARAGDAGANG ASSAULT RIFFLE AT PATROL CAR PARA SA NAUJAN MUNICIPAL POLICE STATION

Naglabas ng Memorandum ang National Headquarters ng Philippine National Police (PNP) Directorate for Logistic ng Camp Crame para sa Regional Director (RD) ng Police Regional Office (PRO) 4B na may kinalaman sa liham ni Mayor Henry Joel C. Teves na humihiling kay The Deputy Chief, PNP for Administrator PLTGEN RHODEL O SERMONIA ng karagdagang sampung (10) unit ng basic assault riffle para sa mga personnel ng Naujan Municipal Police Station (Naujan MPS).

Kaugnay nito, iniatas ni PMGEN RONALD E OLAY na pagkalooban ng walong (units ng Basic Assault Riffle ang Naujan Mps na makakatulong sa pagganap sa kanilang sinumpaang tungkulin.

Kasabay nito ay ang Supply Directive Number DL2-2023-02-07-06-PNP (PRO 4B) na nagmula rin sa National Headquarters ng PNP na may paksang Issuance of 14 units Patrol Jeep 4×2 Single Cab (Toyota Hilux) kung saan kabilang ang Naujan MPS sa mga mabibigyan dahil na rin sa kahilingan ni Mayor Teves.

Ang inisyatibong ito ng Punumbayan ay isang patunay na patuloy at buo ang kaniyang suporta sa Naujan MPS at sa mga programa nito para sa pagpapanatili ng kaayusan at kapayapaan ng Bayan ng Naujan para sa kapakanan ng bawat isang Naujeño. (RONALD BULA)

The post MAYOR TEVES HUMILING SA PNP NG KARAGDAGANG ASSAULT RIFFLE AT PATROL CAR PARA SA NAUJAN MUNICIPAL POLICE STATION appeared first on Police Files! Tonite.

Source: Police Files Tonite