Ginisa ni Sagip Party-list Congressman Rodante Marcoleta si Department of Transportation (DOTr) Undersecretary Kim Robert de Leon tungkol sa kontrobersiyal na special order ni Secretary Jaime Bautista na pinapa-centralize sa kanyang tanggapan ang lahat ng kontrata na nagkakahalaga ng higit P50 milyon, kabilang dito ang pagbili ng plastic cards para sa driver’s licenses na ang total contract price ay nasa P250 milyon.
Sa nakaraang pagdinig ng House Committee on Transportation, nagpahayag ng alinlangan si Marcoleta kung mayroong kakayanan ang DOTr kumpara sa LTO na siyang dapat na gumawa ng mga proyekto nito.
Ayon kay Marcoleta, may mga implikasyong legal ang special order nina Bautista at ng mga kasamahan na maaaring mapanagot ng katiwalian ang mga ito sa bandang huli.
“Do you believe that given the fact na kayo na yung magpo-procure ngayon will you be in a position to tell us that you have already acquired the competence the skill and knowledge that LTO has obtained over the years in relation to procurement?” tanong ni Marcoleta.
Dagdag pa ni Marcoleta, “For the longest time sila ang gumagawa nito ngayon ikaw na (DOTr) kakukuha mo palang nung duty na yun to procure ibig mong sabihin nakuha mo na yung competence na yun. Kasi kinakailangang you give us a reasonable level of comfort?”
“Can you freely and honestly tell us na yung competence ninyo ngayon, kasi magpo-procure na eh is at par with the competence gained by the LTO?” tanong pa ng mambabatas.
Sagot naman ni DOTr Undersecretary Kim Robert de Leon “Yes your honor, definitely your honor.”
Ipinunto rin ni Marcoleta na noong tinatalakay ang 2023 national budget, ang pagkaka-alam ng Kongreso ay ang LTO ang magpapatupad ng mga proyekto nito.
“Nung humarap sa amin ang LTO ang aming palagay doon, they presented and they defended their budget nandun kami and we approve their budget, knowing that they are the ones to implement their budget, ito yung problema eh….. You are changing the very intent of the law,” giit ni Marcoleta.
Sinabi ni Marcoleta na hindi rin dapat balewalain ng DOTr ang Anti-Red Tape Authority (ARTA), Government Procurement Reform Act (RA 9184) at iba pang accounting at budget process “baka magkaroon kayo ng problema later on.”
Hiniling ni Marcoleta sa DOTr na irekonsidera ang special order ni Transportation Sec. Jaime Bautista na naglilipat ng bidding ng mga proyekto na P50 milyon pataas sa Central Bids and Awards Committee (CBAC) ng DOTr.
“Is the DOTr prepared to reconsider the SO (special order)… because there is still time in the interest of the bureaucracy and expediency of service because this representation humbly believes that the LTO has gained the expertise the knowledge, I’m not belittling the capacity of the DOTr in anyway but considering their experience through time I think they have gained the right to continue with what they have been doing,” dagdag pa ni Marcoleta.
The post DOTr exec tinusta sa higit P5OM kontrata ng Kongreso appeared first on Police Files! Tonite.
Source: Police Files Tonite
Walang komento: