Ni ARCHIE LIAO
NAGSIMULA si Sean De Guzman bilang miyembro ng all-male dance group na “Clique V” kaya naman masasabing maituturing na passion niya ang dancing at performing.
Pero dahil gusto niyang patunayang isa siyang versatile artist, nag-branch out siya into acting.
Para naman sa actor, best decision of his life ang pumalaot sa pag-arte.
Katunayan, sa larangan ito siya nakilala bilang isang magaling at award-winning actor.
Sa pelikulang “Fall Guy” na idinirehe ng multi-awarded director na si Joel Lamangan, nanalo siya ng international best actor awards sa CHITHIRAM International Film Festival sa India at Anatalian Film Awards sa Turkey.
Lately naman, siya ang tinanghal na best new male actor of the year sa ginanap na 38th Star Awards for Movies na iginawad ng pamunuan at mga miyembro ng The Philippine Movie Press, Club.
Ani Sean, hindi niya kailanman tatalikdan ang dati niyang grupo na muling nabuhay sa VMX V na kinabibilangan nina Marco Gomez, Itan Rosales, Mon Mendoza at Calvin Reyes.
“Sa grupo po namin noon ako nagsimula at malaki ang utang na loob ko sa kanila kaya hindi ko po sila puwedeng iwan,” pakli ni Sean.
Dagdag pa ng actor, na-miss din daw niya ang pagpe-perform at pagsayaw.
“Na-miss ko rin po ang pagsayaw at pagpe-perform,”aniya. “Nagpapasalamat din po ako kay Inay Len dahil nabigyan niya kami ng venue para mahasa hindi lang po iyong dancing kundi iyong singing at hosting skills na nagagamit namin ngayon,” dugtong niya.
Dahil nanalo na ng two international best actor awards at PMPC best new male actor , hindi raw naman ibig sabihin noon ay magiging mapili na siya sa roles o hihinto na siya sa pagpapa-sexy.
“Ako naman po bilang aktor, open po ako sa mga bagay na di ko pa nagagawa, so I want to be versatile po. Ayoko pong ma-stuck sa isang role o sa isang genre,” bulalas niya.
Sey pa niya, gusto rin daw niyang i-try ang ibang genre tulad ng romance, comedy, action, horror, atbpa.
Sa ginanap na thanksgiving party, aminado naman ang actor na masama ang kanyang pakiramdam pero sumipot daw siya dahil ayaw niyang biguin ang press people na nagtiwala sa kanya.
“Masama po ang pakiramdam ko. Pero tulad po ng turo sa amin, the show must go on. Gusto ko rin pong samantalahin iyong opportunity na makapagpasalamat sa mga taong nagtiwala sa kakayahan ko,”pagtatapos niya.
The post Sean ‘di iiwan ang dance group kahit award-winning actor na appeared first on Police Files! Tonite.
Source: Police Files Tonite
Walang komento: