NAARESTO ng mga ahente ng Immigration nitong Lunes ang puganteng Taiwanese na wanted sa kanilang bansa dahil sa fraud.
Ang Taiwanese ay kinilalang si Yang Chia-Le, 26-anyos at naaresto ng mga operatiba ng Bureau of Immigration’s (BI) fugitive search unit (FSU)na pinamumunuan ni Rendel Ryan Sy sa isang residential area sa Nueva Vizcaya St., Bago Bantay, Quezon City.
Si Yang ay naaresto alinsunod sa mission order na inilabas ng BI matapos nakatanggap ng impormasyon mula sa Taiwan government na siya ay isang pugante sa batas.
Lumilitaw sa records na si Yang ay may arrest warrant na inilabas ng Taiwan Taipei District Prosecutors Office noong Abril ng nakaraang taon dahil sa fraud.
Si Yang di umano ay miyembro ng telecom fraud syndicate na nagpapakilala bilang mga law enforcement agents para makapanloko ng mga biktima sa Taiwan mula December 2020 hanggang January 2021
Siya ay may kaugnayan sa dalawang kaso ng fraud, na nagkakahalaga ng PhP 2.3 million. Siya ay inaasahang mabilanggo nang mahigit dalawang taon kapag idineport na ito sa Taiwan.
Si Yang ay nasa bansa na simula pa noong August 2022, at wala rin application para sa extension ng kanya visa, kaya naman siya ay overstaying alien.
“Fraudsters like Yang attempt to hide in the Philippines and sometimes attempt to transfer their operations here,” sabi ni BI Commissioner Norman Tansingco.
“We will not allow such things to happen, hence our tight cooperation with foreign governments who give us information about wanted fugitive remains. We will continue to hunt these fugitives down and deport them,” dagdag pa nito.
Si Yang ay mananatili sa facility ng BI sa Bicutan, Taguig hanggang sa maideport na ito. Bilang resulta ng kaso niya sa immigration case, ang pangalan ni Yang ay kabilang na sa BI’s blacklist, kung saan di na siya makapasok pang muli sa Pilipinas sa hinaharap. (JERRY S. TAN/JOJO SADIWA)
The post Puganteng Taiwanese naaresto ng mga ahente ng Immigration appeared first on Police Files! Tonite.
Source: Police Files Tonite
Walang komento: