BUMAGSAK sa kamay ng mga operatiba ng PNP-Highway Patrol Group (HPG) ang dalawang suspected carnappers na sangkot sa rent-tangay scheme.
Kinilala ang dalawa na sina Roderick Reyes, 29 anyos; at Charlie Ramos, 30, kapwa residente ng Caloocan City.
Ayon kay PNP-HPG Director, Gen. Alexander Tagum, nakatanggap sila ng reklamo hinggil sa modus ng dalawa kaya agad ikinasa ng mga tauhan ng HPG Special Operations Division ang operasyon.
Una rito, nagtungo sa HPG ang complainant na si Mark Joseph Santiago at mga opisyal ng Barangay 195 sa Caloocan City para ireklamo ang modus nina Reyes at Ramos.
Sinabi ni Tagum, na tinukoy ang dalawa na sangkot sa rent-tangay scheme kung saan intensiyonal na hindi ibinabalik ng mga suspek ang nirentahang sasakyan dahil kanila na itong ibinenta o isinanla.
Sa operasyon, narekober sa mga ito ang 5 sasakyan na kanilang nirentahan.
The post 2 karnaper na sangkot sa Rent-Tangay, timbog! appeared first on Police Files! Tonite.
Source: Police Files Tonite
Walang komento: