PATAY ang mag-asawang senior citizens nang pasukin at pagbabarilin sa loob ng kanilang bahay sa Barangay Malamboy-Bondolan, Alimodian, Iloilo, Lunes ng gabi.
Kinilala ang mag-asawa na sina Ariston Castillo, 62anyos; at Georgina Miller, 60, residente ng nasabing lugar.
Ayon sa ulat, 6:00 ng gabi nang marinig ng mga residente ang sunod-sunod na putok ng baril mula sa loob ng bahay ng mga biktima.
Patay na nang makita ng mga residente ang dalawa. Sa labas ng bahay nakita ang bangkay ni Castillo, habang sa loob ng kuwarto ang katawan ni Miller.
Nabatid na bago lang sa lugar ang mag-asawa na galing umano sa Mindanao. Walang kamag-anak sa lugar ang dalawa kaya nahirapan ang kapulisan sa pag-imbestiga.
Dead on arrival ang dalawa sa Aleosan District Hospital. May tama sa ulo at sa iba’t ibang parte ng katawan si Castillo, at sa katawan naman ang tama ni Miller.
Nagpapatuloy pa ang imbestigasyon ng pulisya.
The post Mag-asawang seniors pinatay sa loob ng bahay appeared first on Police Files! Tonite.
Source: Police Files Tonite
Walang komento: