BUMULAGTA ang retiradong pulis nang barilin habang bumababa sa pampasaherong tricycle sa Zulueta St., Barangay Zone 1, malapit sa gate 4 ng Merkado Publiko ng Koronadal City nitong Lunes ng umaga.
Kinilala ang biktima na si retired Master Sergeant Armando Domingo, 59 anyos, ng Purok Leganes, Barangay Zone 1.
Ayon sa report, maaring may kaugnayan sa trabaho ng biktima ang pagkakapatay rito.
Dating kasapi ng Koronadal PNP si Domingo na naitalaga sa South Cotabato Provincial Police office bago nagretiro dalawang taon na ang nakalipas.
Ayon sa saksi, naka-helmet ang driver ng motorsiklo at naka-bonnet ang angkas nito na bumaril sa biktima.
Nakaligtas naman nang tumakbo mula sa crime scene ang driver ng sinakyang tricyle ni Domingo.
Nagpapatuloy pa ang imbestigasyon ng pulisya.
The post Retired police patay sa riding-tandem appeared first on Police Files! Tonite.
Source: Police Files Tonite
Walang komento: