NAHULI ang isang child warrior habang napatay ang apat na miyembro ng New People’s Army (NPA) sa pagkikipag-engkwentro sa mga sundalo sa Barangay Toytoy, Garchitorena, Camarines Sur nitong Lunes.
Ayon kay 9th Infantry Division Spokesperson, Capt. John Paul Belleza, rumesponde ang tropa ng 83rd Infantry Battalion (83IB) sa sumbong ng mga residente kaugnay sa presensya ng mga armadong grupo sa kanilang barangay nang mangyari ang engkwentro.
Nasa 20 miyembro ng NPA ang nakasagupa ng tropa na ikinamatay ng apat na hindi pa nakikilalang mga rebelde, at nahuli ang isang menor de edad na miyembro nito.
Nakuha ng tropa sa pinangyarihan ng engkuentro ang walong M16 rifles, isang M14 rifle at isang M203 grenade.
The post Child warrior timbog; 4 NPA patay sa bakbakan sa CamSur appeared first on Police Files! Tonite.
Source: Police Files Tonite
Walang komento: