Habang nagkakaedad… Jennylyn mas gumaganda at nagiging fresh; Jane inamin, muntik sukuan ang showbiz

Ni GERRY OCAMPO

INAMIN ni Jane de Leon na tinangka niyang layasan ang showbiz. Naisip daw niya ito nung panahon na wala siyang ginagawang  project  o trabaho.

Ito ‘yung panahon na hindi niya akalain na mabibigyan ng pagkakataon na mapasama o lumabas sa  FPJ`s Ang Probinsiyano at higit sa lahat, maging bagong Darna.

“Gusto  ko na talagang mag-quit  sa showbiz. Kasi  lahat  naman kaming mga  artista nakaka-experience  na  natu-toxic  na  kami, lalo na noong nag-uumpisa ako.

“Nawalan na ako ng  pag-asa  noon, kasi pumasok ako sa showbiz dahil passion  ko ang acting, love ko talaga  at breadwinner din ako at gusto kong matulungan ang family ko.

“Pero lahat yon, na-share ko  kay Lord. Sinurender  ko lahat ng mga worries  ko sa Kanya  at  pinush Niya ako nang maayos. Ginamit Niya ang mga taong nagmamahal  sa akin para suportahan ako sa mga dapat  kong  gawin.”

***

MARAMING nagsasabi na habang tinitingnan daw si Jennylyn Mercado ay lalo itong nagiging kahawig ni Gal Gadot na gumanap na Wonder Woman. Habang nakakaedad daw kasi si Jen ay mas nagiging fresh at mistulang hindi tumatanda.

Napuri tuloy ang boyfriend niyang si Dennis Trillo dahil mahusay raw mag-alaga ng dyowa. Kung pagbabasehan daw ang Instagram nilang dalawa ay very smooth ang relasyon nila.

Magkasundo sina Jen at Dennis sa mga aktibidad tulad sa pagbibisikleta, paggyi-gym, pagtugtog, pagkanta  at  pagsisid sa dagat. Tila ‘yun nga ang sikreto ng kanilang masaya at magandang pagmamahalan

Pero hindi maiiwasan na marami na ang naiinip kung kailan ba talaga sila magpapakasal.

The post Habang nagkakaedad… Jennylyn mas gumaganda at nagiging fresh; Jane inamin, muntik sukuan ang showbiz appeared first on Police Files! Tonite.

Source: Police Files Tonite