“KAHIT anong bakuna ang dumating sa Maynila, ituturok ko sa akin at isasapubliko ko.”
Ito ang pahayag ni Manila Mayor Isko Moreno, na nagsabing taglay nya rin ang peligro tulad ng bawat isang residente na magpapabakuna kontra COVID-19.
“Kung ano ang dumating, ‘yun ang ating io-offer… itutusok ko muna sa akin and I will make it public. Kung ano ang mauna, basta’t sertipikado at available kahit ako kukunin ko. I believe in the principle of temperature that anything above zero is positive,” ayon kay Moreno.
Hinikayat ng alkalde ang lahat ng mga residente na hindi pa nakapagparehistro sa libreng bakuna na magrehistro na sa www.covid19vaccine.com. Sinabi pa ng alkalde na hindi komo’t nakarehistro na ay hindi na magbabago ang isip nito.
Sinabi ng alkalde na maaaring may peligrong kaugnay nito na nagdudulot ng ating takot sa bakuna pero nahaharap pa rin tayo sa 100 percent tsansa na mamatay dahil sa kakulangan ng kahit na anong uri ng proteksyon laban sa COVID-19.
“Sa bisa ng bakuna, malaki ang tsansa na sakaling magkaroon ka ng COVID, liliit ang tsansa na mapunta sa severe ang iyong kondisyon. Me asymptomatic, mild and severe na baka madisgrasya ang tao. With the vaccine in us, it can help boost our body’s capability to repel deterioration that may be caused by COVID,” dagdag ni Moreno.
Ginarantiyahan ni Moreno na ang pamahalaang lungsod ay gagamit lamang ng bakuna na ‘duly certifified’ ng national government bodies na ligtas at epektibo.
“Kung ano ang sinertipikhan ng regulatory agencies ng ating gobyerno, in this case the Food and Drug Administration, scientists and doctors na nabibilang sa mga nasabing ahensiya, ‘yun ang susundin ko para me sistema,” pagtitiyak nito.
Idinagdag pa ni Moreno: “Pero me risk.. walang pagkukubli. However, risk avoidance willl give you nothing while risk management, if done properly, me patutunguhan.” (ANDI GARCIA)
The post “ITUTUROK KO SA AKIN AT ISASAPUBLIKO KO – ISKO appeared first on Police Files! Tonite.
Source: Police Files Tonite
Walang komento: