ARESTADO ng mga tauhan ng PNP Anti-Kidnapping Group ang isang wanted kidnapper sa operasyon noong Biyernes, February 5, sa Ayala Alabang, Muntinlupa City.
Kinilala ang naaresto na si Arnold Gastador Vargas, nahaharap sa kasong Kidnapping for Ransom and serious illegal detention.
Bukod kay Vargas, nakilala rin ang iba pang suspek na sina Jai Deep, Joginder Singh, Amit Bansal, Deep Sidhu, Peter John Dumdumaya, Wilbert Repol Ong at Vergel Tagupa.
Sangkot ang mga suspek sa pagdukot sa isang Indian national, Anial Kumar Sohal, na dinukot sa Binan City noong August 13, 2017 kungsaan nasa P935,000.00 ransom money ang ibinayad ng pamilya ng biktima kapalit ng kalayaan nito noong August 16, 2017.
Una rito, nasa P20 million ang ransom demand ng mga kidnaper subali’t naibaba ito sa P2 milyon.
Kasalukuyang nakakulong sa PNP-AKG detention facility ang suspek habang hinihintay ang commitment order mula sa korte.(Gaynor Bonilla)
The post Kidnapper ng Bumbay huli sa Munti appeared first on Police Files! Tonite.
Source: Police Files Tonite
Walang komento: