ARESTADO ang isang “motornapper” nang dumaan sa harap ng mga pulis na nagsasagawa ng ‘Oplan Sita’ sa Navotas city.
Kinilala ang naaresto na si Jayson Yee, 24, helper, ng Barangay 107, Quezon St., Tondo, Manila.
Sa ulat, 1:58 ng hapon habang nagsasagawa ng ‘Oplan Sita’ ang mga pulis sa pamumuno ni Lt. Gregoiro Cueto sa kahabaan ng Road 10 corner Exit ng Navotas Fishport, Brgy. NBBS Proper nang dumaan sa harap nila si Yee na tulak-tulak ang isang kulay itim na Yamaha Mio Sporty motorcycle na walang plaka kaya’t pinigil nila ito.
Nang tanungin kung sa kanya ang naturang motorsiklo, wala itong naipakitang patunay na siya ang may-ari nito hanggang sa mapansin ng mga pulis ang isang gunting na nakasuksok sa ignition key ng motorsiklo kaya’t inaresto si Yee.
Sa pagsisiyasat, napag-alaman na ninakaw ang naturang motorsiklo noong January 25, 2021 sa Block 45 B Lot 1 Phase 2 -E3 Kaligay alley Longos, Malabon City.(Beth Samson)
The post Motornaper dumaan sa ‘Oplan Sita’ timbog appeared first on Police Files! Tonite.
Source: Police Files Tonite
Walang komento: