PATAY ang dalawang kabataan habang isa ang nasa kritikal na kalagayan sa salpukan ng dalawang motorsiklo sa Sitio Loscon, Barangay Gangalan, San Mariano, Isabela.
Kinilala ang mga nasawi na sina Melvin Domingo, 15 anyos, Grade 8 student, residente ng naturang barangay, at siyang nagmaneho ng motorsiklo; at Junjun Quinto, 19, ng Barangay Libertad.
Kritikal naman ang angkas na si Jerwin Lariosa, 15, Grade 8 student, ng barangay Gangalan, San Mariano.
Sa ulat, pauwi na si Quinto mula sa Poblacion, habang galing naman sa Gangalan sina Domingo at Lariosa nang maaksidente matapos umagaw ng linya si Domingo at nasalpok ang parating na si Quinto.
Sa lakas ng salpukan tumilapon ang parehong sakay ng dalawang motorsiklo, sanhi ng agarang kamatayan ng dalawa. (Rey Velasco)
The post 2 patay, 1 kritikal sa salpukan ng motorsiklo appeared first on Police Files! Tonite.
Source: Police Files Tonite
Walang komento: