APAT na ang naaaresto sa pagtatangka sa buhay ni dating Pangasinan Governor Amado Espino Jr. ang nasa kustodiya ng awtoridad.
Kasunod ito nang pagkakahuli sa 45-anyos na si Richard Arambulo, residente ng Barangay Pisuac sa Urbiztondo, Pangasinan.
Natunton si Arambulo sa pinagtataguan niya sa Barangay Ilang, San Carlos City, Pangasinan.
Pang-apat si Arambulo sa most wanted person sa lalawigan.
Noong nakaraang buwan, naaresto sa Barangay Poblacion sina Albert Palisoc, Benjie Resultan at Armando Frias na pawang kabilang sa top 20 most wanted persons sa Ilocos Region.
Isinasangkot ang apat sa pananambang kay Espino Jr., noong September 11, 2019 sa Barangay Ilang, na nagresulta sa pagkamatay ng dalawang bodyguards ng dating gobernador.
Nasugatan naman sa insidente si Espino Jr.
Umamin si Rasultan na naging bahagi sa krimen at itinuro niya si Pangasinan Provincial Board Member Raul Sison bilang utak sa ambush.
Namatay naman si Sison dahil sa COVID 19.
The post Isa pang gunman sa pag-ambush kay ex-Gov. Espino arestado appeared first on Police Files! Tonite.
Source: Police Files Tonite
Walang komento: