Shabu ipinalaman sa tinapay

ARESTADO ang isang babaeng dalaw nang mahulihan ng shabu na ipinalaman sa tinapay sa Bunawan Police Station sa Davao City.
Kinilala ang naaresto na si alyas “Nene”, 25 anyos, residente ng Seaside, Agdao, Davao City.
Dalaw sa kulungan si Nene ng isang presong nahuli sa pagbebenta ng iligal na droga. Magkaibigan ang dalawa.
Sa pag-inspeksiyon ng jailer sa dalang pagkain ni Nene, nakita ang shabu na naka-palaman sa tinapay na ibibigay sana sa preso.
Nasa kostodiya na ng Bunawan PNP si Nene at inihahanda na ang kasong paglabag sa RA 9165.

The post Shabu ipinalaman sa tinapay appeared first on Police Files! Tonite.

Source: Police Files Tonite