TODAS ang dalawang kasapi ng Kidnap For Ransom Goup (KFRG) nang makipagbarilan sa mga tauhan ng PNP Anti-Kidnapping Group (AKG) Biyernes ng gabi sa bahagi ng Carlos Garcia Avenue Extension, Parañaque City.
Kinilala ang isa sa mga nasawi na si Jobert Gañares habang inaalam pa ang pag-kakakilanlan ng kasamahan nito.
Ayon kay PNP-AKG Director, BGen. Jonnel Estomo, nagsagawa ng operations ang mga pulis sa lugar matapos makatanggap ng imporma-syon na may kidnappers na umaaligid sa lugar, target dukutin ang isang mayamang negosyante sa nasabing siyudad.
Sinabi ni Estomo na natunugan ng kidnappers na sinusundan sila ng mga opera-tiba kaya tumatakas ang mga ito at pinaputukan ang sasakyan ng mga pulis.
Pero na-corner ang dalawang kidnappers sa checkpoint operation, at sa kabila nang sabihan ng mga pulis na sumuko, nagpaputok ang mga ito, dahilan para putukan narin sila ng mga operatiba.
Batay sa rekord ng PNP-AKG, si Ganares aang spotter at security nang dukutin ng grupo ang isang James Elijah Yap noong December 3, 2020 sa Quezon City. (M. Obleada / G. Bonilla)
The post 2 kidnappers tigok sa barilan sa Parañaque appeared first on Police Files! Tonite.
Source: Police Files Tonite
Walang komento: