Patay ang tatlong drug suspeks sa inilunsad na buy bust operations ng PNP Drug Enforcement Group (PDEG) sa siyudad ng ParaƱaque at Pasay City.
Ayon kay PNP chief Gen. Debold Sinas, batay sa report ni PDEG director B/Gen. Remus Medina, nakilala ang isa sa mga nasawing drug suspeks na si alias Richard na nakipagsagupaan sa mga operatiba sa Barangay Sun Valley, ParaƱaque City noong Sabado ng gabi.
Nakuha kay Richard ang limang pakete ng Chinese tea packs na naglalaman ng limang kilo ng shabu na may market value na P34 million.
Sa Pasay operations naman, dalawang drug pushers ang namatay sa anti-illegal drug operation Linggo ng madaling araw sa may bahagi ng Merville at C5 extension, Barangay 201,Pasay City.
Kinilala ni Sinas ang dalawang namatay na suspeks na sina alias Domeng at Rey.
Nakumpiska sa kanilang posisyon ang nasa pitong kilo ng shabu nagkakahalaga ng P47.6 million.
Ayon kay Sinas, kilala ang mga suspeks na mga notorious na distributors ng illegal drugs sa NCR at maging sa karatig rehiyon.
Pinuri naman ni Sinas ang matagumpay na operasyon ng PDEG. (Gaynor Bonilla)
The post 3 tulak tigok; P81m shabu nasamsam sa buy bust appeared first on Police Files! Tonite.
Source: Police Files Tonite
Walang komento: