P6.8M shabu nasamsam sa Lanao del Sur

Nasamsam ang nasa isang kilo ng shabu na nagkakahalaga ng higit P6 milyon sa buy-bust operation sa Marawi City nitong Miyerkules.
Sa naturang operasyon ng pulisya, militar, at PDEA sa Brgy. Matampay, naaresto ang isang mag-asawa na nagbebenta ng naturang kontrabando. Ayon sa mga awtoridad, sa daan lang din naganap ang transaksyon.
Tinatayang nagkakahalaga ang ilegal na droga ng P6.8 million. Bukod sa droga, nakuha rin sa kanila ang boodle money, kotse at cellphone na gamit nila sa transaksyon.
Kakasuhan ang dalawang suspek ng paglabag ng Comprehensive Dangerous Drugs Act.

The post P6.8M shabu nasamsam sa Lanao del Sur appeared first on Police Files! Tonite.

Source: Police Files Tonite