DALAWANG Filipino boxers ang nakatiyak ng medalya sa ASBC Asian Elite Men’s and Women’s Boxing Championship matapos umabante sa semefinals ng kanya-kanyang weight classes sa ikalawang araw ng bakbakan sa Le-Meriden Hotel sa Dubai, United Arab Emirates.
Ang batang light flyweight Mark Lester Durens ay patuloy ang pamayagpag ng pasukuin ang kuwaite Mansour Khalefah matapos ang one round sa kanilang quarterfinals showdown.
Panigurado na rin sa bronze medal si Junmilardo Ogayre matapos idispatsa si Rukmal Prasanna ng Sri Lanka sa bantamweight division. lahat ng judges na umiskor sa laban ay pabor kay Ogayre para ituloy ang martsa patungo sa final four.
Makakasama ni Ogayre sina world champion Mirazizbek Mirzakhalilov ng Uzbekistan, Akyibek Esenbek Uulo ng Kyrigzstan, at Erickh-Amar Kharkhuu ng Mongolia sa semifinals.
Subalit,dalawang Filipino ang yumuko sa ikalawang araw ng bakbakan.
John Paul Panuayan ay pinataob ni Bakhodor Usmonov ng Tajikistan sa kanilang light-welterweight contest. pinadapa ni Usmonov ang Filipino sa second round para ihinto ng referee ang laban.
Samantala, Maricel dela Torre ay nabigo sa Indinesian’s Huswatun Hasanah sa women’s lightweight division, lahat ng judges ay umiskor pabor kay Hasanah, si Dela Torre ay bronze medalist sa 2018 Asian Games.
The post 2 Pinoy boxers pasok sa ASBC semis appeared first on Police Files! Tonite.
Source: Police Files Tonite
Walang komento: