NATIMBOG ng mga tauhan ng PNP Special Action Force ang siyam ISIS-Inspired Dawlah Islamiya Maute Group sa engkwentro sa Barangay Paigoay, Pagayawan, Lanao del Sur, Sabado ng umaga.
Kinilala ang mga naarestong local terrorists na sina Camaroden Tindug, Sabdullah Sarip, Oetr Macaungun, Asnare Alisood Dima, Sowaib Abdullah, Saaduden Adapun, Zaenal Abdulatip at Aleem Salih Pitiilan.
Katuwang sa nasabing operasyon ng PNP SAF ang mga pwersa mula sa 5th Infantry Battalion, 103rd Brigade, NAVSOG ng Philippine Navy, 12ISU PA at RIU 15.
Iniulat ni PRO BAR regional police director BGeneral Eden Ugale kay PNP Chief, Gen. Guillermo Eleazar, na magsisilbi ang mga pulis ng warrant of arrest laban kay Faharudin Satar alias Abu Zacaria, 43 anyos, lider ng DI-MG, pero imbes na sumuko, pinaputukan ng mga terorista ang mga opertiba dahilan para umigting ang sagupaan.
Nakatakas sa operasyon ang dalawa pang terorista na sina Abu Dimam at Abu Khalifa.
Nakuha mula sa posisyon ng mga terorista ang 1 carbine, 2 M26 rifles, 3 magazine, 2 cal .45 pistol, 2 base radios, 13 cellphones, 1 laptop at mga subersibong dokumento. (Mark Obleada, Koi Laura)
The post 9 ISIS-Maute Group timbog sa Lanao del Sur appeared first on Police Files! Tonite.
Source: Police Files Tonite
Walang komento: