UMABOT sa halos tatlong oras at kalahati ang negosasyon sa pagitan ng isang lalaking lango sa droga na nang-hostage ng limang taon gulang na lalaki sa Barangay Banca-Banca, San Rafael, Bulacan, Lunes ng gabi.
Kinilala ang batang biktima na si Myrh Lelouch Balino, residente sa nabangit na barangay.
Sa report, nagsimula ang hostage taking 6:30 ng hapon, na tumagal ng hanggang 10:00 ng gabi. Nagkaroon ng negosasyon sa pagitan ng dalawang panig. Subali’t sa halip na sumuko, nagpaputok ng baril ang hindi nakilalang hostage taker na armado ng kalibre 38 pistola.
Maayos at ligtas naman ang bata at ang magulang matapos ipasuri sa ospital.
Narekober sa hostage taker ang 10 sachet na shabu at baril.
Wala pang pagkakakilanlan ang lalaki maliban sa malaking tatoo sa kaliwang bahagi ng binti at ang kulay patig na short at itim na t-shirt. (Thony D. Arcenal)
The post Adik napraning, nang-hostage, bulagta sa parak appeared first on Police Files! Tonite.
Source: Police Files Tonite
Walang komento: