Barangay Secretary ‘guilty’ sa pagduktor ng payroll

KINATIGAN ng Korte Suprema ang naunang desisyon ng Sandiganbayan laban sa isang kawani ng Quezon City government dahil sa kasong katiwalian.

Ito’y may kaugnayan sa ginawang pandudoktor ng isang Carolyn Tabora, kalihim ng Barangay. Kamuning, sa kanilang payroll noong 2004.

Batay sa desisyon ng 2nd division ng high tribunal, ‘guilty beyond reasonable doubt’ si Tabora nang lumabas sa datos na pirmado niya ang attendance ng kagawad na si Ramond Nallan Ronario mula Hunyo hanggang Disyembre 2004 kahit nasa Japan ito.

Dahil diyan, pinatawan ng 6 hanggang 10 taon pagkakakulong si Tabora at diskuwalipikado narin siya habang buhay sa anumang posisyon sa gobyerno.

The post Barangay Secretary ‘guilty’ sa pagduktor ng payroll appeared first on Police Files! Tonite.

Source: Police Files Tonite