SINIBAK sa serbisyo ang isang kawani ng Korte Suprema na nahuli sa aktong humihithit ng marijuana sa loob ng court premises.
Batay sa desisyon ng Supreme Court, ‘guilty’ sa kasong ‘Grave misconduct’ sa kasong paggamit ng marijuana si Louie Mark U. De Guzman, Storekeeper I sa Property Division ng Office of Administrative Services (OAS).
Sa isinagawang forensic analysis ng NBI, nakumpirma ang presensya ng isang active component ng marijuana sa urine sample mula sa respondent.
Bukod sa ipinataw na pinaka mabigat na parusa, ipinag-utos din ng Korte Suprema na mapawalang-bisa ang lahat ng benepisyo ni De Guzman maliban sa accrued leave credits.
Diskwalipikado narin habang buhay si De Guzman sa alinmang sangay sa gobyerno.
Batay sa confidential reports na natanggap ng SC OAS, si De Guzman ay nahu-ling gumagamit ng marijuana sa stockroom ng Property Division ng Old SC Building sa iba’t ibang pagkakataon.
The post Empleyado huling nagda-‘damo’ sa loob ng Korte Suprema, sibak sa serbisyo appeared first on Police Files! Tonite.
Source: Police Files Tonite
Walang komento: