ARESTADO ang 22- anyos na lalaki na nagbebenta ng hubad na larawan at video ng dating kasintahan sa isinagawang entrapment operation ng pulisya sa Barangay Palawig, San Andres, Catanduanes.
Kinilala ang dinakip na si Jessie Boy Cornejo, residente ng nasabing lugar.
Sa ulat, dumulog sa himpilan ng San Andres PNP ang 18-anyos at Grade 11 student na biktima at dito inireklamo ang sapilitang pagpapahubad sa kanya ni Cornejo sa harap ng camera para gumawa ng live show at malalaswang bagay habang nanunuod ang mga foreigner na parokyano nito.
Salaysay ng biktima, 15-anyos pa lamang siya nang magsimulang sundin ang kagustuhan ni Cornejo dahil sa pagbabanta at pananakot nitong ikakalat ang kanyang mga hubad na larawan kung hindi susundin ang kagustuhan ng kanyang dating kasintahan.
Gamit ang pekeng facebook account na nakapangalan sa dalaga, isinasagawa ni Corrnejo kang transaksiyon sa mga parokyanong foreigner at kapalit ng mapagkakasunduang halaga ng pera ang paggawa naman ng babae ng malalaswang video para sa mga ito.
Sa entrapment operation ang PNP sa mismong bahay ni Cornejo, inaresto ito at nakumpiskahan ng mga ipinagbabawal na marijuana at pitong pakete ng iligal na droga.
Nakatakdang sampahan si Cornejo ng kasong paglabag sa R.A 10175 o ang Cybercrime Prevention Act at RA 9165 o Comprehensive Dangerous Drugs Act of 2002.
The post Lalaki ibinebenta ang hubad na larawan at video ng ex-gf sa FB appeared first on Police Files! Tonite.
Source: Police Files Tonite
Walang komento: