P58m shabu nasamsam ng joint ops ng MPD sa Cavite

TINATAYANG mahigit P58 milyong halaga ng shabu ang nasamsam sa limang indibidwal sa buy-bust operation ng Manila Police sa Imus, Cavite.

Ikinasa ang operasyon ng Manila Police District (MPD) Drug Enforcement Unit, sa koordinasyon ng Philippine Drug Enforcement Agency, Cavite Provincial Police Office, at Imus Municipal Police Station nitong Linggo.

Ayon kay MPD chief, Brigadier General Leo Francisco, kinilala ang mga nadakip na sina Tamano Daud, 41 anyos, may kasong illegal drugs at murder; Ismael Daud alyas Intsik, 24; Norma Maguid alyas Sandra, 36; Bainor Maguid alyas Bai, 23; at Omar Redia, 42.
Ang mga nadakip ay iniharap kay Manila Mayor Isko Moreno nitong Lunes ng umaga.

Nahaharap ang mga ito sa kasong paglabag sa Dangerous Drugs Act or Republic Act No. 9165, at illegal possession of firearms and ammunition sa ilalim ng Republic Act No. 10591. (Jocelyn Domenden)

The post P58m shabu nasamsam ng joint ops ng MPD sa Cavite appeared first on Police Files! Tonite.

Source: Police Files Tonite