KAPWA umusad sa semifinals ng French Open ang longtime rivals na sina Rafael Nadal at Novak Djokovic. Pero dahil nasa parehong side sila ng draw ay magkakatapat agad sila sa semis instead na sa finals.
With all due respect to other players, ang bakbakan nila Nadal at Djokovic ang kinu-consider nang karamihan na totoong kampeonato sa second grand slam event of the year.
Tatangkain ni Nadal na makuha ang ika-21 grand slam title para maungusan ang kanyang matagal na ring karibal na si Roger Federer. Kasalukuyang tabla ang dalawa sa pinaka-maraming grand slam titles na napanalunan sa Open Era with 20 each.
Hindi rin naman nalalayo si Djokovic na mayroong 18 grand slam titles.
Dahil sa Big Three ng men’s tennis ay maraming hindi pa nakakatikim ng grand slam sa mga younger players, including Alexander Zverev at Stefanos Tsitsipas na magtatapat in the other semifinal match.
Kung maglalaro unti late in their 30s sina Ndal at Djokovic kagaya ni Federer, malamang na matatagalan pa bago makakuha ng grand slam title ang mga upcoming stars ng men’s tennis.
***
Taliwas naman sa tennis ang sitwsyon sa NBA kung saan namamayani ngayon ang mga batang players like Luka Doncic ng Dallas Mavericks at Trae Young ng Atlanta Hawks.
Nasa 20s din ang tinanghal na MVP this season na si Nikola Jokic ng Denver Nuggets. Tinalo ni Jokic sina Joel Embiid ng Philadelphia 76ers at Stephen Curry ng Golden State Warriors para maging ikatlong sunod na European winner ng prestihiyosong award.
Sinundan ng Serbian ang yapak ni Giannis Antetokounmpo ng Milwaukee Bucks na tubong Greece. Si Antetokounmpo ang tinanghal na MVP in the previous two seasons.
Hindi rin mga usual suspects ang karamihan sa nasa contention ngayon sa NBA. Wala sa mga natitirang teams ngayon ang nag-kampeon in at least the last three decades.
Ang 76ers ni Embiid pa yata ang huling nagkampeon among the remaining teams. These are unusual times talaga sa NBA.
The post Rafa vs Nole appeared first on Police Files! Tonite.
Source: Police Files Tonite
Walang komento: