3 sundalo nasawi vs NPA

NASAWI ang tatlong sundalo sa engkuwentro sa pagitan ng mga rebelde sa Jipapad, Eastern Samar nitong Miyerkules ng umaga.

Sinabi ni Patrolman Roland Coyopa ng Jipapad Municipal Police Station, papunta sa itinatayong patrol base ang mga kasapi ng 52nd Infantry Battalion nang makabakbakan ang mga miyembro ng New People’s Army 6:45 ng umaga.

Sa ulat, gumamit ng improvised explosive device (IED) ang mga rebelde na ikinasawi ng tatlong sundalo at ikinasugat ng anim na kasapi ng Citizen Armed Force Geographical Unit (CAFGU) na isinugod sa ospital.

Kasalukuyang tinutugis ng mga sundalo ang mga nakasagupang rebelde.

The post 3 sundalo nasawi vs NPA appeared first on Police Files! Tonite.

Source: Police Files Tonite