UMUWING luhaan at iika-ika ang isang dalagita nang gahasain ng kanyang chatmate nang makipagkita ito sa Cebu city.
Personal na dumulog sa Madredijos Police Station ang 17-anyos na biktima na itinago sa pangalan “Nida” para pormal na magsampa ng kaso laban sa rapist na itinago naman sa pangalan Dino, 19. Kapwa nakatira ang mga ito sa nasabing lungsod.
Ayon kay Police Staff Sergeant Beth Bacolod ng Women’s and Children Protection Desk (WCPD) ng Madredijos Police Station, nakilala lamang ng biktima ang suspek sa social media nitong Hulyo 2, 2021.
Makalipas ang dalawang araw, nagkasundo silang magkita sa isang lugar sa nasabing bayan subali’t dinala ng suspek ang biktima sa pribadong lugar at ginahasa.
Nang makaraos ang suspek, pinauwi na nito ang dalagita. Pero dumiretso ang biktima sa himpilan ng pulisya at nagsampa ng kaso.
Agad naman nagsagawa ng follow-up operation ang mga otoridad at nadakip ang suspek na nahaharap sa kasong rape.
The post Dalagita nakipagkita sa ka-chat, dinonselya appeared first on Police Files! Tonite.
Source: Police Files Tonite
Walang komento: