INAABANGAN na ang salpukan ng mahuhusay na mga aktres na sina Alice
Dixson, Bianca Umali, at Andrea Torres sa upcoming GMA primetime series na ‘Legal Wives.’
Iikot ang kuwento ng serye sa Maranaw na si Ismael (Dennis Trillo) at sa tatlong babaeng pakakasalan niya nang dahil sa magkakaibang dahilan.
Challenging daw para kay Andrea ang karakter niyang si Diane, ang nag-iisang Kristiyano sa tatlong asawa, “I think ang pinaka-challenge is to find that balance kasi there are so many layers to her character, napakadami niyang pagdadaanan dito.”
Bagong perspektibo naman daw ang naibigay ng serye kay Bianca, na gaganap bilang pinakabatang asawang si Farrah, “Ngayon nandito ako at nakikita ko lahat, sa totoo lang sobrang daming matututunan pati about life eh–‘yung perspective sa buhay, kung paano mo titingnan ‘yung mga sitwasyon.”
Samantala, magandang paraan naman para kay Alice ang kanilang programa upang higit na mas makilala ng viewers ang kultura ng mga Muslim, “They’re actually very loving, God-fearing people. They have the same goals and desires in their lives. They have strong family bonds.”
Huwag palampasin ang world premiere ng ‘Legal Wives,’ soon sa GMA Telebabad.
***
Claire Castro at Royce Cabrera, magpapainit ng mga hapon sa ‘Nagbabagang Luha’
Hindi umubra ang malamig na panahon sa sizzling and daring photos ng Kapuso stars na sina Claire Castro at Royce Cabrera para sa kanilang upcoming Afternoon prime series na ‘Nagbabagang Luha.’
Magkahalong excitement at intriga ang naging reaksyon ng netizens sa behind-the-scene photos nina Claire at Royce na parehong mga bagong mukhang mapapanood sa GMA Afternoon prime block. Ang Nagbabagang Luha ang unang major TV project nilang dalawa.
Gagampanan ni Claire ang role ni Cielo na orihinal na binigyang-buhay ni Alice Dixson. Si Cielo ang mapusok at rebeldeng kapatid ni Maita na gagampanan naman ni Glaiza de Castro.
Samantala, gaganap naman si Royce bilang si Sherwin na isang big-time drug dealer.
Abangan ang ‘Nagbabagang Luha,’ soon sa GMA Afternoon Prime. (BKC)
The post Alice Dixson, Bianca Umali, at Andrea Torres, magsasabong sa Legal Wives! appeared first on Police Files! Tonite.
Source: Police Files Tonite
Walang komento: