Digital narin ang karma: Employer nagpasweldo ng barya nagka-Covid-19

NAGPOSITIBO sa Covid-19 ang employer na nagpasahod sa factory worker ng barya sa Valenzuela City, sabi ni Mayor Rex Gatchalian.

“Na-Covid-19 itong si Jasper So. Pinadala ng abugado nila sa akin ‘yung resulta ng Covid-19 nitong Miyerkules pati ‘yung MJ, ‘yung parang admin head na kasa-kasama niya, na Covid-19 silang dalawa,” kwento ni Gatchalian.

Dagdag pa nito, ito ang naging dahilan kung bakit hindi agad nakatugon ang kumpanya sa pagpapasara sa kanila.

“Sarado pa rin ang kanilang kompanya kasi hindi pa sila nakaka-fully comply. Binigyan natin sila ng 14 days, wala pa tayo doon pero hindi pa rin sila nakakapag-comply rin naman.”

Maaalalang sinuspinde ng Valenzuela City ang permit ng Nexgreen Enterprises nang magreklamo ang factory worker na si Russel Mañoza dahil pinasahod siya ng mga barya na tig-5 at 10 sintemos na may kabuuang higit P1,000 at iba pang paglabag ng nasabing kompanya.

The post Digital narin ang karma: Employer nagpasweldo ng barya nagka-Covid-19 appeared first on Police Files! Tonite.

Source: Police Files Tonite