BASAG ang bungo ng mag-asawa at kanilang anak nang salpukin ng humaharurot na van Martes ng gabi sa Esperanza, Sultan Kudarat.
Kinilala ang mga nasawi na sina Nelson Delachina, 47 anyos; asawa na si Arlene, 46; at anak nilang si NelJon, 12, residente ng Surallah, South Cotabato.
Nadakip naman ang salarin na ayaw magpabanggit ng pangalan at driver ng Toyota Hi-Ace Commuter Van na may plate number ABT 9475.
Sa report ng Esperanza Municipal Police Station, 9:00 ng gabi nang maganap ang insidente sa national Highway, Barangay Laginding, Esperanza.
Ayon kay Police Major Alexander De Pedro, hepe ng Esperanza MPS, mabilis ang patakbo ng salarin na tila nakikipaghabulan pa sa isang van na kasunod nito.
Dahil dito, hindi niya napansin ang pamilya Delachina at nabangga niya ang mga ito na sakay ng motorsiklo at tumilapon ang mga ito sa kalsada.
Agad na binawian ng buhay ang mag-asawa habang nalagutan ng hininga ang kanilang anak nang isugod sa ospital.
Posibleng maharap sa patung-patong na kasong criminal ang driver ng van.
The post Mag-asawa at anak nasawi sa humaharurot na van appeared first on Police Files! Tonite.
Source: Police Files Tonite
Walang komento: